Arloesi Digidol yn ystod y Pandemig – Cefnogi Busnesau o Gymru

Read this page in English

Mae Covid-19 wedi cael effaith andwyol mewn sawl ffordd ac wedi sbarduno yr angen i ni, ac eraill, ddarparu gwasanaethau digidol ar fyrder yn seiliedig ar anghenion defnyddwyr.  Enghraifft ohono yw gwaith tîm Digidol Busnes Cymru, sy’n rhoi cymorth i fusnesau ledled Cymru – cymorth ariannol, hyfforddiant, marchnata a llawer mwy.  Yn y blog hwn, mae Rhys Morris, Rheolwr Cyflenwi Gweithredol Busnes Cymru, yn egluro sut y bu i ef a’i dîm ddefnyddio dulliau hyblyg a chyflym o ddarparu y cymorth i Fusnesau Cymru y mae angen mawr amdano. 

Parhau i ddarllen

Myfyrdodau arweinydd digidol newydd

Read this page in English

Yr wythnos hon mae hi’n Wythnos Arweinwyr Digidol. Dyma adeg addas felly i ysgrifennu fy mlog cyntaf fel Prif Swyddog Digidol Llywodraeth Cymru wedi imi ddechrau yn y swydd ym mis Gorffennaf (nid y “100 diwrnod cyntaf” enwog y mae gwleidyddion yn cyfeirio ato, ond ddim yn bell chwaith). Mae’r misoedd cyntaf wedi bod fel corwynt wrth imi ddysgu beth sy’n digwydd ar draws y sefydliad ac yn allanol, gan geisio datblygu darnau allweddol o waith sy’n bwysig i ni o ran ymateb i’r pandemig a pharatoi ar gyfer y dyfodol. Fel mewn llawer o weithleoedd eraill, rydym wedi bod yn gweithio gartref yn bennaf ers mis Mawrth, wrth gwrs. Mae manteision aruthrol i hyn, y manylwyd arnynt dros y misoedd diwethaf, ond mae dechrau mewn swydd newydd yn y cyfnod hwn a methu dod i gysylltiad wyneb yn wyneb gyda fy nhimau newydd yn brofiad gwahanol iawn!

Parhau i ddarllen

Datgloi gwerth ein gwybodaeth gyda gwyddoniaeth data

Read this blog in English

Beth yw gwyddoniaeth data?  Nid wyf yn credu bod ateb cyffredinol i beth yn union yw hyn – ond trwy ei ddefnyddio gallwn ddarparu gwybodaeth am bron pob math o wybodaeth.  Bu nifer o sefydliadau’r sector cyhoeddus yn datblygu eu gallu o ran gwyddoniaeth data, ac yn ôl ym mis Ebrill sefydlwyd yr uned ddata o fewn Llywodraeth Cymru.  Mae’r blog hwn yn gyflwyniad i’r uned. 

Parhau i ddarllen

Blog Gwadd: Defnyddio data geo-ofodol i danategu ymchwil a penderfyniadau polisi yng Nghymru

Read this page in English

Mae Dr Richard Fry yn Uwch Ddarlithydd mewn Daearyddiaeth a Systemau Gwybodaeth Ddaearyddol (GIS) yn Ysgol Feddygaeth Prifysgol Abertawe. Yma, mae’n esbonio sut mae data geo-ofodol a mapio daearyddol yn cyfrannu at gynhyrchu gwaith ymchwil i lywio polisi yng Nghymru.

swansea_singelton_campusMae Cymru’n wlad amrywiol o ran daearyddiaeth a chymdeithas, sy’n golygu bod y man lle’r ydym yn byw ac yn gweithio yn cyfrannu’n fawr at ein hiechyd a’n lles. Gan fod yr effaith ar iechyd a lles yn ganolog i bob penderfyniad am bolisi yng Nghymru, mae’n amlwg bod angen i ni, fel cenedl, ddeall mwy am sut a pham mae ein daearyddiaeth yn effeithio arnom yng Nghymru. Parhau i ddarllen

Blog Gwadd: Cyflwyno Datgloi pŵer lleoliad: Strategaeth Geo-ofodol y DU

Read this page in English

Mae’r Comisiwn Geo-ofodol yn bwyllgor arbenigol sy’n sefydlu strategaeth geo-ofodol y DU ac yn hyrwyddo’r defnydd orau o ddata geo-ofodol.  Yn y blog gwadd yma mae’r Comisiwn Geo-ofodol yn cyflwyno eu Strategaeth Geo-Ofodol Cenedlaethol.

Mae’r blog hwn yn rhan o gyfnewid blog gyda Llywodraeth Cymru

geospatial imageMae lleoliad yn elfen ddiffiniol o’r ffordd rydym yn byw, gweithio a chymdeithasu. Mae’n gallu cael effaith ar y gwasanaethau a mannau y mae gennym fynediad atynt, yr iaith a’r acen y siaradwn ynddynt, hyd yn oed ansawdd ein cysylltiad wi-fi. Mae deall y byd yn nhermau lleoliad, gan ddefnyddio data wedi eu seilio ar leoliad, yn hanfodol i weithrediad cymdeithas fodern. Mae hyn yn cael ei arddangos yn fwyaf trawiadol heddiw gan y rôl mae data lleoliad yn parhau i’w chwarae yn yr ymateb i’r pandemig coronafeirws a’r adferiad ar ei ôl. Ydy’r cwestiwn o ‘ble?’ erioed wedi bod yn fwy perthnasol? Parhau i ddarllen

Sylwadau cychwynnol prentis ym maes ymchwil ar ddefnyddwyr

Read this page in English

Trwy gydol fy nyddiau ysgol roeddwn yn cymryd diléit mewn cynllunio a helpu i greu pethau newydd i eraill (fy hoff wers oedd Tecstilau). Dwi ddim yn awgrymu bod creu ffrog yr un peth â gweithredu polisi, ond maent yn galw am angenrheidiau tebyg. Ymhlith y rhain mae defnyddiwr hapus (gobeithio), cynnyrch terfynol, a’r ymdeimlad yna o lwyddiant!  Fel mae’n digwydd, drwy ddarganfod yr hyn yr oedd pobl ei angen, a thrwy ymaddasu i’w hanghenion, roeddwn mewn gwirionedd yn gwneud rhywbeth a elwir yn ymchwil ar ddefnyddwyr.

Parhau i ddarllen

Gweithdai Data Agored – yn dod cyn bo hir!

Delwedd 'Archebwch eich lle nawr'Read this page in English.

Yn dilyn y Gweithdy Data Agored ym mis Tachwedd, rydym yn gweithio gyda Data Cymru i gynnig dau weithdy ychwanegol yng ngogledd a de-orllewin Cymru. Bydd y gweithdai hyn yn canolbwyntio ar sut y gallwn gynyddu faint o ddata agored sy’n cael ei gyhoeddi a’i ddefnyddio drwy ddatblygu canllawiau ac arddangos ychydig o adnoddau defnyddiol. Parhau i ddarllen

O Safon Uwch i Brentisiaeth

Read this page in English

Llun o Tia, Prentis Digidol Data a Thechnoleg

Roedd cynllunio ar gyfer fy nyfodol yn edrych fel pe bai’n mynd i fod yn un o benderfyniadau mwyaf fy mywyd, ac felly mi geisiais ei osgoi. Wrth dynnu at ddiwedd fy nghyfnod Safon Uwch eleni, nid oeddwn i’n siŵr beth oedd fy hoff bwnc nac a oeddwn am fynd i’r brifysgol. Roeddwn i’n hollol ddi-glem. Er hynny, ar ôl siarad â phobl brofiadol cefais y cyfle gwych hwn, sy’n rhoi digonedd o ddewis i mi. Parhau i ddarllen

Prentisiaethau – rhy dda i fod yn wir?

Read this page in English

Llun o Dom, Prentis Digidol, Data a Thechnoleg

Cyn ymuno â Llywodraeth Cymru, fe wnes i gwblhau cwrs gradd mewn Hanes ym Mhrifysgol Reading. Ar ôl graddio, doeddwn i ddim yn siŵr pa lwybr roeddwn i eisiau’i ddilyn o ran gyrfa, gan mai dim ond swyddi rhan-amser fel disgybl ysgol oeddwn i erioed wedi’u gwneud. Dros y Nadolig, dechreuais weithio fel cynorthwyydd cwsmeriaid mewn siop a dechreuais ddatblygu fy mhrofiad a’m sgiliau.  Ar ôl tair blynedd mewn gwahanol rolau roeddwn i wedi dod i’r canlyniad nad gyrfa hirdymor mewn rheoli manwerthu oedd y peth i mi felly dechreuais edrych am lwybr gyrfa gwahanol oedd yn cyd-fynd â’m diddordebau. Yn y dechrau, doeddwn i ddim yn siŵr a ddylwn i fynd yn ôl i’r brifysgol i barhau â’m haddysg; ond roeddwn wedi fy siomi o weld y rhagolygon posibl yr oedd gradd meistr mewn Hanes yn eu cynnig. Anfonais un ffurflen gais ar ôl y llall am amrywiaeth eang o swyddi, o swydd gyda’r Asiantaeth Troseddu Cenedlaethol i weithio yn y gwasanaeth Rheoli Traffig Awyr – gyda’m bryd ar roi tro ar rywbeth gwahanol. Parhau i ddarllen