Cwestiynau Cyflym i’n Datblygwr Newydd

Read this page in English

Yn ddiweddar, cyhoeddwyd blog oedd yn dweud bod Llywodraeth Cymru yn recriwtio i rolau Digidol, Data a Thechnoleg ac yn sôn am ein dymuniad i gynyddu ein sgiliau a’n gallu mewnol yn y meysydd hyn. Fel rhan o’r broses recriwtio ddiweddar hon, rydym wedi cyflogi Datblygwr newydd i’r Tîm Digidol Corfforaethol, ac rydym yn hynod gyffrous i’w groesawu i’r sefydliad. Felly, pa ffordd well o ddod i’w adnabod na gofyn iddo ateb cyfres o gwestiynau cyflym?

Parhau i ddarllen

Dydyn ni ddim yn gwybod pwy ydych chi, ond os oes gennych set benodol iawn o sgiliau byddwn yn dod o hyd i chi…

Read this page in English

Efallai i chi sylwi’n ddiweddar ar ffrwd Twitter y Prif Swyddog Digidol (ac os na, dylech ein dilyn ar @cdocymru) ein bod wedi dechrau hysbysebu am arbenigwyr digidol, data a thechnoleg. Gan y bydd nifer o ymarferion recriwtio dros y misoedd nesaf, fe benderfynom ysgrifennu blog i roi rhagor o wybodaeth i chi am ein rhesymau dros recriwtio a’r hyn sydd gan Lywodraeth Cymru i’w gynnig. Parhau i ddarllen

Pwerau newydd i gyrff cyhoeddus gael rhannu data – beth yw eich barn?

Read this page in English

Mae data’n chwarae rôl bwysig yn y broses o wneud penderfyniadau effeithiol, yn enwedig yn y sector cyhoeddus. Yn aml bydd angen yr un data ar wahanol gyrff cyhoeddus, ac mae hynny’n golygu bod casgliadau data’n cael eu dyblygu, bod arian yn cael ei wario’n ddiangen, a bod baich gwaith ychwanegol yn cael ei roi ar y rheini sy’n darparu’n data. Hefyd yn aml, nodir y cymhlethdodau a’r pryderon sy’n gysylltiedig â rhannu data fel rhwystrau sylweddol i’r ymdrechion i wella gwasanaethau cyhoeddus a’r gwasanaethau a ddarperir ar gyfer ein pobl. Yr ateb syml yw trefnu i gyrff cyhoeddus gael rhannu eu data, ond yn y gorffennol bu rhwystrau sydd wedi atal hynny rhag digwydd. Parhau i ddarllen

Blog Gwadd: Ymgynghoriad y Cod Ymarfer ar gyfer Ystadegau

Read this page in English

Dwi’n falch o gyflwyno blog gwadd gan Penny Babb o’r Swyddfa Rheoliad Ystadegau.  Mae Awdurdod Ystadegau’r D.U ar hyn o bryd yn ymgynghori ar fersiwn diwygiedig o’r Cod Ymarfer ar gyfer ystadegau.  Y Cod Ymarfer yw’r fframwaith ar gyfer ystadegau swyddogol cynhyrchwyd yma yng Nghymru yn ogystal â gweddill y D.U.

Fel rhan o’r diwygiad yma mae’r wybodaeth rifiadol, felly mae’n berthnasol i’r agenda data ehangach.  Byddwn yn annog i’r rhai ohonoch gyda diddordeb mewn data ac ystadegau yng Nghymru i ymateb.

Glyn Jones. Prif Ystadegydd

Parhau i ddarllen

Gwneud defnydd da o brofion defnyddioldeb

Read this page in English

Yn ein blog blaenorol fe wnaethom ni gyflwyno’r newidiadau sy’n cael eu gwneud i LLYW.CYMRU. Mae deall sut rydych chi, ein defnyddwyr, yn defnyddio’r wefan a’ch barn ar y newidiadau rydym yn eu gwneud yn rhan bwysig o’n gwaith. Gwnawn hyn drwy gynnal profion defnyddioldeb pryd bynnag y bo hynny’n bosib er mwyn ein helpu i nodi unrhyw broblemau’n gynnar a’u datrys cyn iddyn nhw fynd yn rhai rhy ddifrifol. Parhau i ddarllen